Polisi ya Kimataifa yaanza msako Kenya

Polisi ya Kimataifa yaanza msako Kenya

Polisi ya  kimataifa Interpol, imeanza msako leo dhidi ya mwanamke wa Kiingereza aliyepewa jina la “  Mjane mweupe” baada ya kutolewa  waranti wa kukamatwa kufuatia shambulizi la kigaidi katika jengo la kibiashara la Westgate  katika mji mkuu wa Kenya Nairobi. Samantha Lewthwaite aliyesilimu na mwenye umri wa miaka 29 aliolewa na Germaine Lindsay mmoja wa  washambuliaji wanne Wakiislamu waliojiripua kwa mabomu walipoushambulia mtandao wa usafiri wa chini ya ardhi mjini London Julai 7 mwaka  2005 na kuwauwa watu  52.Polisi ya kimataifa imesema mwanamke huyo, mama wa watoto watatu, anatakiwa na Kenya kujibu mashitaka ya kumiliki miripuko na kula njama ya kufanya hujuma  tangu Desemba 2001. Awali Waziri wa mambo ya nchi za nje wa Kenya Amina Mohammed alisema mwanamke  mmoja wa Kiingereza alikuwa mmoja wa washambuliaji, ingawa Rais Uhuru Kenyatta alisema baadae kwamvba ripoti hizo hazikuthibitishwa. Wizara ya kigeni ya Uingereza na polisi ya nchi hiyo imekataa kusema lolote, ikisisitiza kwamba hilo ni suala la polisi ya  kimataifa na maafisa wa Kenya.

dua mbalimbali

Dua

Jumapili, 18 Machi 2012 18:53

Dua baada ya Sala ya Isha

بسم الله الرحمن الرحیم اَللّهُمَّ اِنَّهُ لَيْسَ لي عِلْمٌ بِمَوْضِعِ رِزْقي وَاِنَّما اَطْلُبُهُ بِخَطَرات تَخْطُرُ عَلى قَلْبي فَاَجُولُ فى طَلَبِهِ الْبُلْدانَ فَاَنَا فيما اَنَا طالِبٌ كَالْحَيْرانِ لا اَدْري اَفى سَهْل …

Jumapili, 18 Machi 2012 18:52

Dua baada ya Sala ya Magharibi

بسم الله الرحمن الرحیم اَللّهُمَّ اِنّي أَسْأَلُكَ مُوجِباتِ رَحْمَتِكَ وَعَزائِمِ مَغْفِرَتِكَ وَالنَّجاةُ مِنَ النّارِ وَمِنْ كُلِّ بِلِيَّة وَالْفَوْزَ بِالْجَنَّةِ وَالرِّضْوانِ في دارِ السَّلامِ وَجَوارِ نَبِيِّكَ مُحَمَّد عَلَيْهِ وَآلِهِ اَلسَّلامُ اَللّهُمَّ …

Jumapili, 18 Machi 2012 18:29

Dua ya baada ya Sala ya Alasiri

بسم الله الرحمن الرحیم اَسْتَغْفِرُ اللهَ الَّذي لا اِلهَ اِلاّ هُوَ الْحَيُّ الْقَيُّومُ الرَّحْمنُ الرَّحيمُ ذُو الْجَلالِ وَالاِْكْرامِ وَأَسْأَلُهُ اَنْ يَتُوبَ عَلَيَّ تَوْبَةَ عَبْدٍٍِِ ذَليل خاضِع فَقير بائِس مِسْكين مُسْتَكين …

Jumapili, 18 Machi 2012 18:22

Dua baada ya Sala ya Adhuhuri

بسم الله الرحمن الرحیم لا اِلهَ اِلاَّ اللهُ الْعَظيمُ الْحَليمُ لا اِلهَ اِلاَّ اللهُ رَبُّ الْعَرْشِ الْكَريمُ اَلْحَمْدُ للهِِ رَبِّ الْعالَمينَ اَللّهُمَّ اِنّي أَسْأَلُكَ مُوجِباتِ رَحْمَتِكَ وَ عَزائِمَ مَغْفِرَتِكَ وَالْغَنيمَةَ …

Jumapili, 18 Machi 2012 18:03

Dua baada ya sala ya Asubuhi

Mwenyezi Mungu anasema: Niombeni nitakupeni. Zifuatazo hapa ni dua za baada ya nyakati mbalimbali za sala. Tunamuomba Mwenyezi Mungu atutakabalie ibada na dua zetu. Amin. ***  بسم الله الرحمن الرحیم …

Ethiopia yakosoa ukiukwaji wa haki za binadamu Afrika

Waziri Mkuu wa Ethiopia amekosoa hali ya machafuko na ukiukwaji wa haki za binadamu unaoshuhudiwa katika nchi nyingi za Afrika hususan katika Jamhuri ya Kidemokrasia ya Kongo na Jamhuri ya Afrika ya Kati.

Haile Mariam Desalegn ameliambia Baraza Kuu la Umoja wa Mataifa kwamba nchi za Afrika zinaendelea kusumbuliwa na machafuko na ukiukwaji wa haki za binadamu na kwamba hali hiyo inatia wasiwasi mkubwa.

Waziri Mkuu wa Ethiopia pia ametuma salamu za rambirambi kwa taifa, serikali na familia za wahanga waliouawa katika shambulizi la kigaidi kwenye jumba la madula la Westgate nchini Kenya na kusisitiza kuwa, tukio hilo linaonesha tena udharura wa jamii ya kimataifa kupambana na ugaidi na misimamo ya kufurutu mipaka. Amesema machafuko yanayotokea katika nchi za Afrika hususan katika Jamhuri ya Kidemokrasia ya Kongo yanatishia usalama na amani na kwamba njia pekee ya utatuzi ni kuzikutanisha pande hasimu katika meza ya mazungumzo.

Waislamu kote duniani waimarishe umoja'

Rais Hassan Rohani wa Jamhuri ya Kiislamu ya Iran amesema kuwa maulamaa na shakhsia wa Kiislamu nchini Marekani ni nembo ya umoja na mshikamano wa Waislamu.

Rais Rohani aliyasema hayo jana alipokutana na maulamaa, wasomi na walinganiaji wa Kiislamu katika jamii ya Marekani na kusisitiza kuwa ulimwengu wa Kiislamu hii leo unahitajia umoja na mshikamano zaidi kuliko wakati wowote mwingine. Ameongeza kuwa maulamaa na shakhsia wa Kiislamu wa Marekani wanaweza kutoa mchango muhimu katika kukurubisha pamoja mataifa mawili ya Iran na Marekani na kutatua migogoro ya Mashariki ya Kati.

Rais Rohani amesema kuwa walinganiaji wa Kiislamu wanawajibika kutumia mbinu bora zaidi za kueneza dini na kusema kuwa, inasikitisha kwamba hii leo propaganda za kuwatisha watu kuhusu Uislamu zinafanywa kwa kiwango kikubwa.

Amesema kuwa Ulimwengu wa Kiislamu na eneo la Mashariki ya Kati linasumbuliwa na matatizo mengo baada ya uingiliaji wa nchi za kigeni, misimamo ya kufurutu mipaka, ukatili na ugaidi na akaongeza kuwa la kusikitisha zaidi ni kwamba baadhi ya ukatili huo unafanyika kwa kutumia jina la dini. 

Umoja wa Mataifa unasema kuwa wanajeshi wake wanne wa amani nchini Mali walihusika na kitendo cha kumbaka mwanamke mmoja wiki jana.

Kikosi cha wanajeshi cha Minusma nchini Mali kiko chini ya UN

Wanajeshi hao ni sehemu ya wanajeshi 1500 wa Umoja wa Mataifa kutoka Chad ambao wanafanya kazi chini ya kikosi cha Minusma. Umoja wa Mataifa unataka serikali ya Chad kuchunguza madai hayo ili kuwachukulia hatua za kinidhamu watakaopatikana na hatia.

Inasemekana mwanamke aliyebakwa alikuwa amekuja kutafuta msaada wa kimatibabu kutoka kwa Umoja wa Mataifa punde baada ya kubakwa Alhamisi wiki jana mjini Gao.

Madai ya mwanamke huyo yalisababisha hatua za haraka za kuchunguza washukiwa.

Haijulikani idadi ya wanajeshi wa Chad waliohusika na shambulizi hilo, lakini mwathiriwa aliweza kuwatambua wanajeshi wanne kuwa miongoni mwa wale waliombaka katika chumba kilichokuwa karibu na baa.

Wakati wa tukio hilo, wanajeshi miamoja na sitini na tano, walikuwa wakishika doria mjini Gao.

Walikiuka amri ya wakuu wao ya kutoondoka kambini katika eneo la Tessalit, Kaskazini mwa nchi, kufuatia tofauti zilizoibuka kuhusu mazingira katika kambi hiyo.

Msemaji wa Minusma mjini Bamako alisema kuwa ilikuwa juu ya jeshi la Chad kuamua adhabu watakayopewa wanajeshi hao,

Alisema kuwa mwathiriwa atapokea matibabu na ushauri nasaha pamoja na msaada wa kisheria lakini sio msaada wa kifedha.

JINSI JENGO LA WESTGATE LILIVYOPATA MAJANGA

 kuwa hotuba iliyokuwa imesubiriwa kwa hamu kuu na wakenya pamoja na nchi zingine duniani ambao raia wake walinaswa katika shambulizi la kigaidi katika jumba la Westgate mjini

Harakati za jeshi la Kenya kulikomboa jengo la WestgateNairobi.

Katika hotuba yake kupitia televisheni Jumanne, Rais Kenyatta alisema "operesheni imefika kikomo. ''

Familia kote nchini na katika sehemu zingine duniani , mfano Australia, Canada, China, Ufaransa, Ghana, India na Uholanzi , Peru, Afrika Kusini, Korea Kusini, na Uingereza pamoja na Marekani, walisubiri kwa zaidi ya siku tatu kufahamu ni lini wanajeshi wangeweza kumaliza mapambano dhidi ya magaidi hao.Hotuba hiyo bila shaka iliwatuliza watu kote nchini, katika nchi ambayo ilitikiswa vibaya sana na shambulizi ambalo kwa kweli halikutarajiwa, dhidi ya jengo la maduka la Westgate na ambalo hutembelewa na watu wa tabaka mbali mbali , wanadiplomasia na hata wakenya wenyewe pamoja na watalii.

Wengi pia walisubiri kwa hamu na gamu kujua hali ya wapendwa wao waliokuwa wamenaswa katika jengo hilo.

Hakuna hata mtu mmoja alithubutu kupuuza ukubwa wa shambulizi hilo, hasa kwa kuwa shambulizi lenyewe lilifanywa na kundi la magaidi waliokuwa wamejihami vikali na kutotaka kushauriana na magaidi hao ambao lengo lao lilikuwa kuwaua watu wengi iwezekanavyo.

Ndio maswali yaliyoulizwa laikini hakuna majibu.

Mnamo Jumatatu, siku ya tatu ya shambulizi, kulikuwa na makabiliano makali ya risasi , milipuko na moto ulioambatana na moshi mkubwa uliokuwa unafuka kutoka kwa jengo hilo kwa zaidi ya saa tano.

Kwa mujibu wa waziri wa usalama, Joseph Ole Lenku, washambuliaji waliwasha moto na kuchoma magodoro na vifaa vingine ili kutatiza shughuli za jeshi kuwakabili.

Mnamo siku ya Jumatatu katika kilie kilichoonekana kuwa shughuli ya mwisho ya operesheni ya jeshi, waziri alisema kuwa mateka waliokolewa.

Lakini baada ya kumsikiza Rais aliyetangaza kukamilika kwa operesheni hiyo, ilikuwa wazi kuwa mateke bado walikuwa wamenaswa katika jengo hilo na 

Maswali mengi kuliko majibu

Licha ya watu hatimaye kupumua kufuatia taarifa kuwa mashambulizi yalikuwa yamekwisha, hotuba ya Rais ilizua maswali mengi kuliko majibu.

Hadi leo haijulikani idadi kamili ya watu waliokuwa wameshikwa mateka, idadi ya waliofariki na idadi ya wale wasiojulikana waliko.

Lakini matumaini ya hata kumpata mtu yeyoye aliye hai kwa sasa hayapo hasa baada ya Rais kusema kuwa baadhi ya ghorofa za jengo hilo ziliporomoka.

Sehemu ya jengo la Westgate lilivyoporomoka

"mwishoni mwa opereshemi, ghorofa tatu za jumba la Westgate ziliporomoka, na bado kuna miili iliyonaswa chini ya vifusi, ikiwemo miili ya magaidi,'' alisema Rais Kenyatta kwenye hotuba yake.

Hakuna maelezo kuhusu kilichosababisha kuporomoka kwa ghorofa hizo. Je ziliporomoka kufutia mlipuko wa bomu? Na je ilisababishwa na bomu? Na je nani alisababisha mlipuko huo, ilikuwa magaidi au jeshi la Kenya?

wengi walifariki.

Je kulikuwa na washambuliaji wanawake?

Magaidi walikuwa wamejihami vikali tayari kukufa . Serikali awali ilisema kuwa idadi yao ilikuwa kati ya 10-15 ndani ya jengo hilo. Rais alithibitisha kuwa magaidi watano kati yao walikuwa wamefariki wakati wa operesheni ya jeshi.

Pia kulikuwa na ripoti kuwa washukiwa kadhaa walikamatwa walipokuwa wanajaribu kutoroka.

Picha ya magaidi walioshambulia Kenya.Je kulikuwemo wanawake?

Miongoni mwa magaidi hao, kumekuwa na tashwishi kuwa alikuwa mwanamke aliyeongoza mashambulizi hayo.

Wakati mkuu wa majeshi Generali Julius Karangi, akiambia waandishi wa habari kuwa uraia wa washambuliaji unajulikana, bado kulikuwa na dalili ya mchanganyiko katika taarifa za serikali.

Katika taarifa yake Rais Kenyatta alisema kuwa wanawake walikuwa miongoni mwa magaidi

Hata hivyo siku iliyofuata taarifa ya waziri wa usalama ilisema kuwa hapakuwa na mwanamke miongoni mwa magaidi hao, alisema wote walikuwa wanaume lakini baadhi walikuwa wamevalia nguo za kike kujidai kuwa ni wanawake.

Ikiwa Bwana Karangi anasema kuwa uraia wa washambuliaji unajulikana , inakuwaje kwamba kuna taarifa zisizooana kuhusu tukio hilo lote? na kama magaidi waliuawa wengi wanahoji wapi ishara ya kuthibitsha hilo? hata kama ni picha ya nyuso zao?

MAHAKAMA YAKATAA RUFAA YA TAYLOR

Taylor alipatikana na hatia ya mauaji, ubakaji na kuwasajili watoto jeshini pamoja na makosa mengine

Mahakama maalum ya umoja wa mataifa mjini Hague imekataa ombi la rufaa lililowasilishwa na aliyekuwa Rais wa Liberia Charles Taylor baada ya kupatikana na hatia ya uhalifu wa kivita.

Jaji wa mahakama hiyo amesema kuwa hukumu ya miaka 50 waliompa bwana Taylor kwa kuwasaidia waasi wakati wa vita vya wenyewe kwa wenyewe nchini humo ni ya haki.

Bwana Taylor ni rais wa kwanza wa zamani kuwahi kupatikana na hatia katika mahakama ya kimataifa tangu kesi ya Nazi.

Mawakali wake walitaka aachiliwe ,wakidai kuwa kwamba makosa ya kisheria yalifanyika wakati wa kesi yake.

Lakini upande wa mashtaka ulitaka kifungo hicho kuongezwa hadi miaka 80 jela.